کل تعریف و شکر اللہ سبحانہ تعالیٰ کیلئے ہے جس نے آج ہمیں اس قابل بنایا کہ انجمن فروغ قرآن فہمی کے قیام کا اعلامیہ جاری کیا جارہا ہے۔ اِس کی شروعات ۲۰۰۸ میں محلے کی مسجد میں ایک عربی گرامر کورس برائے قرآن فہمی کے انعقاد سے ہوئیں۔ اسے بہت پذیرائی ملی اور اگلے سال ایک رہائشگاہ میں خواتین کیلئے بھی اس کورس کا اہتمام کیا گیا۔ یوں ۲۰۱۵ تک سالانہ دو کورس چلتے رہے اور پھر ۲۰۱۶ میں الحمد للہ یہ کورس نیٹ پر منتقل کر دئے گئے اور ان کی تعداد سالانہ چار کورس کر دی گئی۔ رب کریم نے برکت عطا فرمائی اور اب ہماری interactive online کلاسوں میں امریکہ، کینیڈا، یورپ، افریقہ ، انڈونیشیا، سنگاپور ، ملائیشیا، آسٹریلیا، سری لنکا، بھارت اور مشرق وسطیٰ سے طلباء شامل ہیں۔